Our COVID Journey
Tunay ngang masalimuot itong ating mundo
Kailan may di alam ang tunay na takbo,
Sa bawat araw na tayo’y nandito
Kahit anong oras, pwedeng bawiin ito.
Manapay kung ating lilimi-limiin,
Ang bawat araw sa ati’y darating.
Di mapigilang pagmuni-munihin,
Ano ‘ng nangyari sa paligid natin.
Dumating ang unos sa buong mundo,
Sa kalapastanganan ng iisang tao.
Kaya’t di malaman ang pagsugpo dito,
Di mabilang - bilang biktima nito.
Siyensya’y kumilos , nagtimpla’t eksperimento,
Mula sa hayop, hanggang kapwa tao.
Naging matagumpay ang bawat minuto,
Kaya’t nagbunyi ang buong mundo.
Ngayon ang hamon ay muling pagbangon,
Mula sa pagkalugmok nitong Paraiso.
Tiklop-tuhod tayo’y magdasal at sumamo,
O Makapangyarihang Diyos, awa’y idulot Mo.
by: 
