Puwede po ba ninyo akong tulungan?

@genkidene " 'Wag mo akong asarin " ang tama.Subukan mong sabihin siya sa iba't ibang ayos ng mga salita at makikita mo kung bakit 'yun ang tama. 😉

Okey po. 'Yong "-ng" pagkatapos ng "mo", ligature po ba ang tawag doon?

@genkidene Ang ligature sa Tagalog ay ang salitang “na” na ginagamit natin para maiugnay ang isang salita at magsilbi itong pang-uri sa isang pangngalan.Pag-isipan mo ito ayon sa binanggit ko sa itaas: Kung ihihiwalay mo ang “-ng” sa “mo” o sa “ako” at gawin mo silang “na”, tama pa rin ba ang pangungusap? Pangngalan ba ang “asarin”?Hindi ko ibinibigay sa iyo ang sagot kasi gusto ko na ikaw mismo ang makatuklas ng tamang sagot sa iyong tanong.

Tama po 'yong may "-ng" pagkatapos ng "ako" at "mo."Nagtanong po ako kung ano ang tawag sa "-ng" pagkatapos ng "mo" kasi alam ko na 'yon ang tama sa dalawa, pero hindi ko alam kung paano ipapaliwanag kung bakit 'yon ang tama. "Ligature"/"linker" lang ang mga nahanap kong termino, pero sa paghahanap ko, hindi malinaw ang pagkakapaliwanag o kulang ang impormasyon.May nakita rin akong libro na "ligature" ang tawag sa "-ng", pero gusto kong tiyakin kung tama ang pagkakaintindi ko.* archive.org/details/ basictagalogforf00as pi/page/58/mode/2up? view=theater&q=
* archive.org/details/ basictagalogforf00as pi/page/42/mode/2up? view=theater&q= (numero 13).Pasensya na po. Naguguluhan lang ako.

@genkidene Kapat ihiniwalay mo ang mga ligature na "-ng" at "-g" dun sa mga salitang nasa link na ibinigay mo, magiging "na" sila. Maliban lang dun sa "kumaing mabilis" na magiging "kumain nang mabilis". Pero lahat sila kailangan yung "na" o "nang" at hindi mo sila puwedeng alisin. Kaya tama na ligature na "na" sila. Ang "-ng" at "-g" ay resulta lang ng pagkabit ng "na" o "nang" sa mga naunang salita.Dun naman sa " 'wag mo akong asarin", kung gagawin natin siyang " 'wag mo ako na asarin" o "ako ay 'wag mo na asarin", tama ba na "na" siya? Kung gagawin nating utos 'yun na walang "ako" at "mo", alin ang mas tama, " 'wag asarin" o " 'wag na/nang asarin"? Hindi ba magkaiba na ang ibig sabihin nila dahit dun sa "na/nang"?Kaya para sa akin, hindi ligature yung "-ng" dun sa tanong mo. Subukan mong tapusin yung pangungusap sa salitang "ako" o "mo". Tignan mo kung ano ang kalalabasan.